Компанијата „Кромберг и Шуберт Македонија Бт ДООЕЛ“ организира отворен ден на 17.10.2024 (четврток) на кој сите заинтересирани граѓани ќе можат да се запознаат со работата во компанијата, условите за вработување и можностите за кариерен напредок.
Настанот е закажан со почеток во 17:00 часот. За сите заинтересирани граѓани кои не се во можност да пристигнат со сопствено возило, компанијата организира превоз од градовите Битола и Прилеп.
Тргнувањето од Битола ќе се случи во 16:30 часот од постојката кај Ракометното игралиште. Тргнувањето од Прилеп ќе се случи во 16:00 часот, од пред Домот за културата „Марко Цепенков“.
