Делегацијата на германското стопанство во Северна Македонија, истовремено надлежна за пазарите во Албанија и Косово, го најави одржувањето на конференција на тема: „Модернизација на инфраструктурата за обновливи извори на енергија во Северна Македонија, Албанија и Косово“.
Конференцијата е закажана за 3 декември 2024 година, во Хотелот DoubleTree by Hilton во Скопје, со почеток од 9:00 часот.
Согласно првичната агенда на конференцијата, истата ќе биде составена од два блока. Во првиот ќе земат учество претставници на германско компании кои ќе се осврнат на различни теми поврзани со обновливите извори на енергија.
Во вториот блок на конференцијата се очекува да се истражат можностите за финансирање со фокус на обновливите извори на енергија, како и панел-дискусија на тема: „Складирање на енергија – предизвици и можности за македонскиот, албанскиот и косовскиот енергетски сектор“.
На настанот се очекува да присуствува и Министерската за енергетика, рударство и минерални суровини на Северна Македонија, Сања Божиновска.
Целосниот и финален изглед на програмата ќе биде познат наскоро.
